Staðarkirkja, Steingrímsfirði
Byggingarár: 1855
Byggingarár: 1855–1856.
Hönnuður: Einar Einarsson smiður.[1]
Breytingar: Á árunum 1887–1888 var loft smíðað í tvo fremstu stafgólf kirkjunnar, súðar- og skammbitaloft yfir innri hluta framkirkju og hvelfing yfir kór. Kvistur var smíðaður yfir prédikunarstól og turn upp af framstafni. Hönnuður: Sigurður Sigurðsson snikkari frá Kleifum.[2]
Friðuð 1. janúar 1990 samkvæmt aldursákvæði 1. mgr. 36. gr. þjóðminjalaga nr. 88/1989.
Staðarkirkja við Steingrímsfjörð er timburhús, 11,46 m að lengd og 4,83 m á breidd. Þakið er krossreist og upp af framstafni er ferstrendur turn með risþaki. Tígulgluggi er á framhlið turns og hljómop á hvorri hlið. Kirkjan stendur á steinhlöðnum sökkli og er klædd slagþili en þök bárujárni. Á hvorri hlið kirkju eru þrír póstagluggar með þriggja rúðu römmum og einn heldur minni er á framstafni uppi yfir dyrum. Kvistur með fjögurra rúðu glugga er á suðurþekju yfir prédikunarstóli. Fyrir kirkjudyrum eru tvöfaldar vængjahurðir.
Inn af kirkjudyrum er gangur og þverbekkir hvorum megin hans en veggbekkir í kór. Hurð er fyrir innsta bekk norðan megin og bak hans klætt niður í gólf. Kórþil klætt spjaldaþili er í háu baki kórbekkja og kórdyrabogi, randskorinn á neðri brún, er uppi undir hvelfingu. Prédikunarstóll er framan kórþils sunnan megin. Veggir eru klæddir spjaldaþili og tvær skástoðir styðja við veggi. Yfir fremri hluta framkirkju er afþiljað loft á bitum og stigi við framgafl sunnan megin. Yfir innri hluta framkirkju er borðaklætt listað súðarloft en borðaklædd listuð hvelfing sett stjörnum yfir kórnum.[1]ÞÍ. Biskupsskjalasafn 1994 C V, 149. Bréf 1857. Byggingarreikningur Staðarkirkju í Steingrímsfirði 1855-1856.
[2]ÞÍ. Skjalasafn prófasta. Strandaprófastsdæmi AA/5. Staður í Steingrímsfirði 1888; Biskupsskjalasafn C. V, 151. Bréf 1892. Reikningur yfir aðgjörð kirkjunnar á Stað í Steingrímsfirði 1887 og 1888; Guðmundur L. Hafsteinsson. Kirkjur Íslands 7, Staðarkirkja í Steingrímsfirði, 101-116. Reykjavík 2006.