Styrkir úr húsafriðunarsjóði
Minjastofnun Íslands og húsafriðunarnefnd hafa lokið yfirferð þeirra 257 umsókna um styrki úr húsafriðunarsjóði sem bárust stofnuninni þegar auglýst var eftir umsóknum s.l. haust.
Umsóknirnar skiptust þannig milli efnisflokka:
- friðlýstar kirkjur: 47 umsóknir
- friðlýst hús og mannvirki: 32 umsóknir
- friðuð hús og mannvirki: 110 umsóknir
- önnur hús og mannvirki: 50 umsóknir
- byggða- og húsakannanir: 6 umsóknir
- rannsóknir og önnur verkefni: 12 umsóknir
Nú reyndist unnt að veita 182 styrki, samtals að upphæð 168.350.00 kr., en sótt var um rúmlega 772 millj. króna.