Verkefni á 100 ára afmæli fullveldis Íslands
![](/static/news/md/fullveldi100_adalutgafa.png)
Minjastofnun Íslands hefur hlotið vilyrði fyrir einum af 100 verkefnastyrkjum afmælisnefndar 100 ára fullveldis Íslands. Verkefnið sem um ræðir er samstarfsverkefni Borgarsögusafns, Faxaflóahafna og Minjastofnunar Íslands og nefnist "Siglt á mið sögunnar".
Verkefnið er hugsað til að minnast fullveldis Íslands og þess hlutverks sem Reykjavíkurhöfn lék í því að efla sjálfstæði landsins. Grundvöllur fullvalda ríkis er sjálfstæð samskipti við aðrar þjóðir. Markmið verkefnisins er að auka skilning almennings, barna og fullorðinna, á menningarlandslagi hafnarsvæðisins og setja það í samhengi við sögu Íslands og þróun Reykjavíkur, hafnarsvæðisins og íslensks samfélags á 20. öld. Gert verður app sem verður aðgengilegt almenningi honum að kostnaðarlausu. Tveir valkostir verða í appinu, annars vegar gönguleið og hins vegar fjársjóðsleit með það að markmiði að kynna söguna og menningarlandslags hafnarinnar.
Stefnt er að því að opna appið í sumarbyrjun.
Nánari upplýsingar um verkefnin 100 sem fengu styrkvilyrði má finna hér .