Friðun Laugavegar 12 í Reykjavík
Laugavegur-12
Með vísan til 1. mgr. 4. gr. laga nr. 104/2001 um húsafriðun friðaði mennta- og menningarmálaráðherra, Katrín Jakobsdóttir, húsið við Laugaveg 12 í Reykjavík, 17. desember 2010, að tillögu Húsafriðunarnefndar. Friðunin tekur til ytra byrðis hússins.
Benedikt Stefánsson byggði húsið að Laugavegi 12 árið 1903. Árið eftir fékk hann leyfi hann leyfi til að byggja geymsluhús sunnan við hús sitt, sem síðar fékk númerið 1 við Bergstaðastræti, sem nú hefur einnig verið friðað.