Fréttir

Minjastofnun stendur fyrir Menningarminjakeppni Evrópu, sem tengd er European Heritage Makers Week sem Evrópuráðið stendur fyrir, annað árið í röð. 

Minjastofnun Íslands og Mannvirkjastofnun hafa unnið leiðbeiningar um brunavarnir í friðlýstum kirkjum.

Nú má nálgast á vef Minjastofnunar orðskýringar með skýringarmyndum sem Þorsteinn Gunnarsson arkitekt hefur dregið upp.

Minjastofnun hefur dregið til baka tillögu til mennta- og menningarmálaráðherra um að austasti hluti Víkurgarðs verði friðlýstur. Samhliða fellur skyndifriðun svæðisins sem Minjastofnun setti á hinn 8. janúar 2019 úr gildi.Framkvæmdaaðilar á svæðinu hafa lýst yfir vilja til að gera breytingar á áformum sínum sem koma til móts við áherslur Minjastofnunar um að Víkurgarður fái þann sess sem honum ber sem opið og frjálst almenningsrými þar sem saga garðsins og svæðisins í kring fái að njóta sín.

Starfsfólk Minjastofnunar gerði sér ferð norður á Sauðárkrók þriðjudaginn 5. febrúar til að undirrita samning um fjarvinnsluverkefni á Djúpavogi sem stofnunin fær fjármagn til á grundvelli stefnumótandi byggðaáætlunar fyrir árin 2018-2024. 

Þann 7. desember 2018 var haldin í Vínarborg í Austurríki lokahátíð Menningararfsárs Evrópu sem Evrópusambandið og Evrópuráðið stóðu að. Ísland tók þátt í Menningararfsárinu og voru haldnir af því tilefni 27 glæsilegir viðburðir hringinn um landið. Að viðburðunum stóðu söfn, stofnanir og samtök, áhugafólk og fagaðilar, og eiga allir sem að þeim komu heiður skilinn.

Umsóknarfrestur er til og með 1. febrúar 2019.

Nú er í undirbúningi friðlýsting búsetulandslags í Þjórsárdal á grundvelli laga um menningarminjar nr. 80/2012. Minjastofnun hefur ákveðið að gefa öllum kost á að koma með athugasemdir við áformin. Athugasemdafrestur er til og með 10. febrúar. 

Ljóskastarahús við Urð, Suðurnesi, Seltjarnarnesi hefur verið friðlýst. Friðlýsingin tekur til hins steinsteypta mannvirkis í heild og hlaðins sökkuls umhverfis það.