Fréttir

Menningarminjadagar Evrópu 2024 fóru fram í september síðastliðnum þar sem þema ársins var leiðir, samskipti og tengingar. Alls tóku sjö skipuleggjendur þátt sem voru samanlagt með 14 viðburði er dreifðust yfir mánuðinn. Skipuleggjendur voru Borgarsögusafn Reykjavíkur, Elliðaárstöð, Kirkjugarðar Reykjavíkur, Samband íslenskra listamanna, Skálholt, Skriðuklaustur og Þura – Þuríður Sigurðardóttir, söng- og myndlistarkona.

Þriðjudaginn 1. október fór fram opnun á nýrri yfirbyggingu skálans á Stöng í Þjórsárdal. Stofnunin fagnar þeim mikilvæga áfanga að lokið hefur verið við yfirbygginguna sem hönnuð var af arkitektunum Karli Kvaran og Sahar Ghaderi hjá SP(R)INT STUDIO.

Minjastofnun Íslands hefur lagt fram til kynningar tillögu að friðlýsingu Hólavallagarðs, gamla kirkjugarðsins við Suðurgötu í Reykjavík. Markmið friðlýsingarinnar er að vernda og varðveita heildarskipulag garðsins, klukknaport, minningarmörk og ásýnd garðsins. Svæðið sem friðlýsingin tekur til er um 3 ha. að stærð og afmörkun miðast við lóðarmörk eða ytra borð garðveggja.

Embætti forstöðumanns Minjastofnunar Íslands er laust til umsóknar. Leitað er eftir öflugum og faglegum leiðtoga til að leiða fagstofnun sem hefur það hlutverk að framkvæma minjavörslu í landinu og efla vernd fornleifa og byggingararfs á Íslandi.

Menningarminjadagar Evrópu verða haldnir í september á Íslandi og þema ársins er Leiðir, samskipti og tengingar.

Borganeskirkja var friðlýst þann 9. maí síðastliðinni á 65 ára vígsluafmæli sínu.

Á alþjóðadegi menningarminja 18. apríl verður haldið málþing í tilefni þess að í ár eru liðin 60 ár frá því að Feneyjaskráin var gefin út. Fjallað verður um gildi Feneyjarskrárinnar sem er leiðarljós í starfi ICOMOS. Með Feneyjaskránni voru settar fram alþjóðlegar viðmiðunarreglur um varðveislu og endurgerð minja og minjastaða.

Húsafriðunarsjóði bárust alls 241 umsókn um styrk árið 2024, samtals að upphæð 1.283.649.610 kr. Styrkir voru veittir til 176 verkefna, samtals að upphæð 297.600.000 kr.

Úthlutun styrkja úr fornminjasjóði fyrir árið 2024 liggur nú fyrir. Alls bárust 63 umsóknir í sjóðinn og sótt var um alls 252.569.150 kr.