Samstarfsverkefni

Cultural Enviroment as Resource in Climate Change Mitigation and Adoption var samnorrænt verkefni um hættuna sem steðjar að menningararfinum vegna loftslagsbreytinga. Uggi Ævarsson, minjavörður Suðurlands, var fulltrúi Minjastofnunar í samstarfinu en auk hans tók annar Íslendingur, Gísli Pálsson hjá Fornleifastofnun Íslands ses., einnig þátt í verkefninu. Tveggja daga vinnustofa var haldin í Helsinki í Finnlandi þar sem fjöldi sérfræðinga frá Finnlandi, Íslandi, Svíþjóð, Noregi og Danmörku hittist og ræddi áhrif loftslagsbreytinga á menningarminjar á hverjum stað. Afrakstur vinnustofunnar var skýrsla um málið sem kom út árið 2014.