Samstarfsverkefni

Minjaslóð er smáforrit sem inniheldur bæði Minjaleit og Minjaslóð. Minjaleit er fjársjóðsleit fyrir yngri kynslóðina þar sem unnið er með sögu hafnarsvæðisins í Reykjavík. Minjaslóð inniheldur fimmtán upplýsingapunkta á hafnarsvæðinu í Reykjavík þar sem hægt er að fræðast um höfnina, sögu hennar og hlutverk, s.s. í tengslum við fullveldi og aukið sjálfstæði Íslands. Forritið opnast sjálfkrafa á Minjaslóð en Minjaleit opnast þegar skjárinn er dreginn með fingri frá hægri til vinstri. Minjaleit hefst við Sjóminjasafnið í Reykjavík og virkar eingöngu á hafnarsvæðinu. Minjaslóð er hægt að opna og skoða bæði á hafnarsvæðinu en einnig heima eða hvar sem er.

Að smáforritinu standa Faxaflóahafnir, Borgarsögusafn Reykjavíkur og Minjastofnun Íslands í tilefni af aldarafmæli fullveldis Íslands og Menningararfsári Evrópu 2018.

Gamlar ljósmyndir koma frá Borgarsögusafni Reykjavíkur. Um textagerð í Minjaslóð sá Guðjón Friðriksson, sagnfræðingur. Þorsteinn Gunnarsson, leikari og arkitekt, les texta bæði í Minjaslóð og Minjaleit.

Minjaslóð er nú hluti af Locatify SmartGuide smáforritinu sem inniheldur ýmsar leiðsagnir og hægt er að sækja í App Store (fyrir iPhone) hér: Locatify SmartGuide on the App Store (apple.com) og fyrir Android síma á Google Play, hér: Locatify SmartGuide - Apps on Google Play.

Minjaleit fjársjóðsleit er hægt að sækja í App Store: TurfHunt on the App Store (apple.com) og Google Play: TurfHunt - Apps on Google Play